平常留言 - 給凱芹的信

[寫新訊息] | [平常留言] | [Chris Wong Gallery]

凱芹:有一點懊惱!
Letter Posted by 咪 (monkey80118@hotmail.com) on 12-02-2003 12:13 am
凱芹凱芹,有一個好白痴的念頭,希望你唔好笑我!!!不過...真係好白痴!但我知係自己拎黎懊惱,為無必要的煩惱而煩惱,咪咪就是這麼一個人了!!!
大家都知道我係一個好矮o既人,而呢個問題由我從小到大都未離開過,亦令我非常懊惱!(相信你會有同感吧!哈哈!)由細到大都想盡好多辦法去增高,但可能係家族遺傳,死症!
直至到我接觸左話劇,先唔知點樣無啦啦地接受自己的高度!因為原來呢個高度可以帶比我很多o野,包括好多次”唯我獨專”的演出機會,唔係好多人可以好似我咁幾廿歲人都可以做到細路女角色,更加唔係好多人可以做到細路仔角色,我有少少女生男相,就可以喇!

剛剛睇左本雜誌,知道市面上有增高的方法,一年之內可增5-10cm,正蠢蠢欲動,好唔好試試呢?

但係唔知成唔成功喎!又唔想下年人地派利是比我時都係話『快高長大』,幾廿歲人仲快咩高長咩大喎!又諗下幾廿歲人學咩人去增高喎!又諗但係自己確實又係矮得離哂大譜喎!又諗但係如果成功\增高,咪會冇左D做細路角色的機會囉!我又唔靚,戲又唔好,不嬲玩呢樣野都係靠自己夠矮同埋較一夥熱衷之心之嘛!

凱芹你話點好呢?比你你會唔會試呢呵?
好白痴的懊惱呀呵?我都知~~
做人最緊要要接受自己、肯定自己!
但有機會令自己變得更加好咪幾好囉!
但呢個機會可能令自己冇左另外一D機會喎!
人係唔可以兩全其美架!

無論點,在我眼中,凱芹你好高!!!

超級勁勁地白痴及傻婆的
阿咪